Ресейдің Екатеринбург қаласында өткен «Кубок вызова легенд» халықаралық турниріне Қытай, Кипр, Израиль, Қырғызстан, Қазақстан, Армения Беларусь, Ресей, Өзбекстан Армения, Сирия сынды 10 елдің спортшылары қатысқан. 
Жарыста озық өнер көрсеткен отандық құрама Өскемендегі көркем гимнастика мектебінің тәрбиеленушілерінен тұрады, деп хабарлайды Altaynews тілшісі. 
Шығыстық көркем гимнастардан жасақталған топ байқауда қола жүлде иеленді. Топтық жарыста Томирис Вахлова, Елизавета Егорова, Анастасия Чащина, Ксения Шимолина, Әлия Бақытқызы, Евгения Вендиревская сынды спортшылардан құралған топ жоғары ұпай жинаған. 
Жеке сайысқан Аружан Қасымова жаттығудың үш түрі бойынша финалға өтіп, біреуінде төртінші орынға тұрақтады.