Астанада Бірінші Президент жүлдесі үшін өткен қоян-қолтық ұрыстан әскерилер арасындағы халықаралық чемпионатта Шығыстың командасы екінші орын алды.

«Шығыс» аймақтық қолбасшылығының ақпаратына сенсек, жарысқа 8 елден 63 команда қатысқан. Олар Армения, Беларусь, Қырғызстан, Моңғолия, Ресей, Тәжікстан және Өзбекстан елдерінен келген.

Жалпыкомандалық есепте армиялық қоян-қолтық ұрыста ҚР Қорғаныс министрлігінің командасы – бірінші, «Шығыс» аймақтық қолбасшылығының командасы – екінші, Өзбекстан құрама командасы үшінші орын алды.

Айта кетейік, бірінші орын алған команда мүшелеріне «Спорт шебері» атағы берілді. Жарыстың жүлде қоры 8 миллион теңге.