25 мамырда Абай атындағы Шығыс Қазақстан гуманитарлық колледжінің базасында ерекше білім беру қажеттіліктері бар студенттер арасында «Шығармашылық шабыт» облыстық сәндік-қолданбалы шеберлік байқауы өткізілді.

Байқауға 30-дан астам студент жұмыстарын ұсынған, деп хабарлайды Altaynews тілшісі.

Байқау ерекше білім  беру қажеттіліктері бар  жастардың шығармашылық іс-әрекетінің эмоционалды-жағымды фонын құруға бағытталған.

Авторлық жұмыстар бірнеше бағыт бойынша қабылданған. Дәлірек айтқанда, көркем тоқыма, көркем кестелеу, мата бойынша көркем сурет салу, ағашты көркем өңдеу, дәстүрлі емес материалдардан жасалған бұйымдар, ағашқа сурет салу, кескіндеме және сурет салу сынды сәндік-қолданбалы өнер бағыттарына бөлінді.

Байқау қорытындысы бойынша жүлдегерлер анықталды.