Полицейлер борышкерлерді іздеу жұмысын жалғастырып жатыр – ШҚО
Фото: egemen.kz
Маусым айында Өскемен қалалық полиция басқармасының Көші-қон қызметі бөліміне жеке сот орындаушының қарызды өндіріп алу туралы қаулысы түскен.
Қаулыда Өскемен қаласының 23 жастағы тұрғынының қарызы 4 322 226 теңгені құрайтыны жазылған, деп хабарлайды Altaynews тілшісі.
– Іздеу шаралары барысында Көші-қон қызметінің қызметкерлері борышкердің Ресей Федерациясының Краснодар қаласындағы тұрағын анықтады. Енді сот орындаушылары қарызды өндіріп алумен айналысады, - деді ШҚО ПД Көші-қон қызметі басқармасы бастығының міндетін уақытша атқарушы Ринат Шкибаев.
Жыл басынан бері Полиция департаментінің қызметкерлері 50-ден астам борышкерді анықтаған. Дерекке сүйенсек, қазіргі уақытта борышты өндіріп алу жұмысы жүргізіліп жатыр.
ШҚО ПД Көші-қон қызметі атқарушылық құжатты орындамағаны үшін ҚР ӘҚБТК-нің 669-бабы бойынша әкімшілік жауапкершілік және ҚР ҚК-нің 139-бабы бойынша қылмыстық жауапкершілік көзделгенін ескертеді.
Оқи отырыңыз
