ШҚО-да ҚР Ұлттық ұланының ақпараттық-насихаттық тобының республикалық жұмысы басталды.

Ақпараттық-насихаттық топтың сапары ішкі істер министрінің тапсырмасы бойынша ұйымдастырылып отыр, деп хабарлайды Altaynews тілшісі.

Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, Халық Қаһарманы, генерал-майор Қайрат Үмбетов жетекшілік ететін топ өңірдің елді мекендерінде бірқатар шара өткізеді.

Тур армия қызметінің беделін арттыруға, әскери қызметшілер мен азаматтық жастарды қазақстандық патриотизм мен конституциялық борышқа адалдыққа тәрбиелеуге, ішкі істер органдары мен Ұлттық ұланның имиджін нығайтуға, азаматтардың санасында әскери қызметшілердің міндетіне деген оң көзқарас қалыптастыруға бағытталған.

Тур барысында Ұлттық ұланның ән-би ансамблі елді мекендерде «Ұлттық ұлан – ұлт рухы!» атты концерт өткізеді. Ансамбль өнерпаздары әскери әндерді, халық әндері мен эстрадалық туындыларды шырқайды. Көрермендер назарына әлем халықтарының билері мен құрметті қарауыл ротасының дефилесі ұсынылады.

Тур барысында жоспарланған тағы бір ауқымды концерт 12 шілде күні «Ертіс концерт» мекемесінде өткізілді.

Ақпараттық-насихаттық тобы жұмысының барысында әртүрлі жастағы тұрғындарды қамту көзделген.