Бұқтырмада орналасқан аралда өрт сөндірілді – ШҚО
Фото: egemen.kz
Шығыс Қазақстан облысындағы Бұқтырма су қоймасында орналасқан аралда өрт шықты.
ШҚО ТЖД баспасөз қызметінің мәліметіне сүйенсек, Алтай ауданы Октябрьский кентіндегі Бұқтырма су қоймасының Гусиный аралында өрт шықты, деп хабарлайды Altaynews Қазақпарат агенттігіне сілтеме жасап.
Оқиға орнына жету үшін өрт сөндірушілерге қайықпен жүзіп баруға тура келді. Қызыл жалын шөп пен қамысты шарпыған.
"Сол жерге жеткен №20 өрт сөндіру бөлімшесінің және №8 құтқару бөлімшесінің қызметкерлері отпен күреске кірісті. Көп ұзамай жалпы ауданы 6 гектарды құраған тілсіз жау толықтай ауыздықталды", – делінген ақпаратта.
Айта кетейік, өртті өшіруге барлығы 6 адам жұмылдырылған.
Оқи отырыңыз
