Үндістан кадеттері тәжірибе алмасу үшін ШҚТУ-ға келді
Фото: ҚР Ғылым және жоғары білім министрлігінің әлеуметтік желідегі парақшасынан алынды
Д.Серікбаев атындағы ШҚТУ-ға Үндістан Республикасы Ұлттық кадет корпусының 2 офицері мен 12 кадетінен құралған делегация келді.
2015 жылы шығыстағы аталған оқу орны мен Үндістан Республикасы Ұлттық кадет корпусы ынтымақтастық туралы меморандум жасасқан, деп хабарлайды Altaynews тілшісі.
"ШҚТУ халықаралық қарым-қатынастарының тарихы қандай бай болса, географиялық байланысының аясы да сәйкесінше кең. Осындай ынтымақтастықтың аясында Үндістан елінен 14 адамнан құралған делегация келді.
2015 жылы Д.Серікбаев атындағы ШҚТУ мен Үндістан Республикасы Ұлттық кадет корпусы арасында ынтымақтастық туралы меморандумға қол қойылды.
Меморандумның мақсаты – өзара іс-қимылды нығайту, екі ел жастары арасында байланысты арттыру және Үндістан мен Қазақстан арасындағы достық қатынастарды дамыту", деп жазылған ҚР Ғылым және жоғары білім министрлігінің Facebook желісіндегі хабарламасында.
2015 жылы Д.Серікбаев атындағы ШҚТУ мен Үндістан Республикасы Ұлттық кадет корпусы арасында ынтымақтастық туралы меморандумға қол қойылды.
Меморандумның мақсаты – өзара іс-қимылды нығайту, екі ел жастары арасында байланысты арттыру және Үндістан мен Қазақстан арасындағы достық қатынастарды дамыту", деп жазылған ҚР Ғылым және жоғары білім министрлігінің Facebook желісіндегі хабарламасында.
Ынтымақтастық аясында ШҚТУ-дың әскери кафедрасының офицерлері мен студенттері Youth Exchange Programme білім алмасу бағдарламасының аясында Үндістанда шетелдік делегациялар съезіне қатысып, Дели, Джайпур, Агра, Биканер, Джайсалмер қалаларын және Тәж-Махал сарайын аралаған.
Енді Үндістан тарапының делегациясы тәжірибе алмасу мақсатында ШҚТУ-ға келді.
"Бұл жолы академиялық ұтқырлық аясында Үндістан Ұлттық кадет корпусының өкілдері тәжірибе алмасу, мәдени-танымдық байланыс орнату, екі ел жастарының біліктілігін бағалау үшін Д.Серікбаев атындағы ШҚТУ-ға келді. Алыс елден келген қонақтар үшін жоғары оқу орны кеңейтілген ақпараттық-танымдық, ғылыми бағдарламалар дайындады.
Кадет тәрбиеленушілері бір апта көлемінде ШҚТУ материалдық-техникалық базасымен, өңірдің таңғажайып жерлерімен танысады. Бұдан бөлек, кадет тәрбиеленушілеріне спорттық ойындар, Өскемен қаласындағы Үндістан мәдени орындарында шаралар, «Простор» студенттік сауықтыру лагеріне сапар және спорттық тимбилдинг ұйымдастырылады", делінген хабарламада.
Кадет тәрбиеленушілері бір апта көлемінде ШҚТУ материалдық-техникалық базасымен, өңірдің таңғажайып жерлерімен танысады. Бұдан бөлек, кадет тәрбиеленушілеріне спорттық ойындар, Өскемен қаласындағы Үндістан мәдени орындарында шаралар, «Простор» студенттік сауықтыру лагеріне сапар және спорттық тимбилдинг ұйымдастырылады", делінген хабарламада.
Оқи отырыңыз
