ШҚО-да 77 млн теңге бюджет қаражатын мердігерге негізсіз аударған Құрылыс, энергетика және тұрғын үй-коммуналдық шаруашылық басқармасының бұрынғы басшысы сотталды.

Өскемен қалалық №2 соты баспасөз қызметінің мәліметіне сүйенсек, экс-шенеунікке қатысты ҚР ҚК-нің 361-бабы 4-бөлігінің 3-тармағымен қылмыстық іс қаралды, деп хабарлайды Altaynews Қазақпарат агенттігіне сілтеме жасап.

Белгілі болғандай, Шығыс Қазақстан облыстық Құрылыс, энергетика және тұрғын үй-коммуналдық шаруашылық басқармасының басшысы лауазымын атқарған О. есімді азамат мамандандырылған ХҚО құрылысына қатысты орындалған жұмыс пен жеткізілген жабдықтар жайлы шындыққа сәйкес келмейтін мәліметтер жазылған қабылдау-тапсыру актісіне қол қойған. Осылайша, мердігердің шотына бюджеттен 77 млн теңге еш негізсіз аударылды.