«AMANAT» партиясы ШҚО филиалының жанындағы өңірлік экономика, кәсіпкерлік және аграрлық сектор мәселелері бойынша кеңестің отырысы өтті.

Жиында «ШҚО бойынша 2021-2025 жылдарға арналған кәсіпкерлікті дамыту жөніндегі ұлттық жобаны» іске асыру, егінді жинау жұмыстарын жүргізу, жанар-жағармай материалдарымен қамтамасыз ету , облыс бойынша сүт мал шаруашылығын дамыту, сүт-тауар фермаларын салу және реконструкциялау туралы мәселелер талқыланды, деп хабарлайды Altaynews.kz cайты.

Кеңес мүшелері «AMANAT» партиясының сайлауалды бағдарламасы аясында суару арналарын реконструкциялау есебінен суарудың жалпы ауданын 51,7 мың гектарға дейін жеткізу мәселесін де қарады.

Сондай-ақ егін жинау кезінде ауа-райының жаңбырлы болуы шаруаларға жұмысты уақытылы жүзеге асыруға кедергі келтіріп отырғаны айтылды.