Денсаулық сақтау саласы өкілдерінің айтуынша, елімізде  қызылша дертін жұқтырғандар саны күрт өскен.

Жыл басынанбері Қазақстанда 10 мыңнан астам адам қызылша жұқтырған. Оның ішінде 14 жасқа дейінгі балалар арасында 9007 жағдай, деп хабарлайды Altaynews тілшісі.

Бұл туралы Өңірлік коммуникациялар қызметі алаңында өткен баспасөз брифингінде ШҚО денсаулық сақтау басқармасының Ана мен бала орталығының эпидемиологы Айдын Жұмай айтты.

Қызылша вирусы ауа тамшылары арқылы беріледі. Науқаспен байланыста болған кезде (сөйлесу, түшкіру, жөтелу кезінде) бұрын қызылшамен егілмеген және ауырмаған адам 100% дерлік жұқтыруы мүмкін. Қызылша вирусы өте құбылмалы: қызылшаны науқаспен тікелей байланыста болмай, онымен бір үйде болу арқылы жұқтыруға болады. 

Қызылша дертінің алдын алу - балалардың денсаулығы мен толыққанды дамуының маңызды компоненттерінің бірі болып табылады. Сондықтан қызылшаға қарсы егу профилактикалық егу күнтізбесіне кіріп отыр.