ШҚО-да Тәуелсіздік күні аясындағы игі шаралар өз жалғасын тауып жатыр. 

Күршім ауданында Аманат, Жолнұсқау ауылдарында жаңа стандарттық үлгідегі медициналық пункттер ашылды, деп хабарлайды Altaynews тілшісі. 

Медициналық пункт ҚР Президентінің ауылдағы денсаулық сақтау саласын жаңғырту жөніндегі тапсырмасы аясында салынып, ауыл халқының игілігіне берілді.

- Ауданымызда денсаулық сақтау саласының материалдық базасы күннен-күнге жақсарып келеді. Бұған дәлел үстіміздегі жылы аудан көлемінде бес жаңа медициналық пункттің салынуы. Тәуелсіздік мерекесі аясында Жолнұсқау мен Аманат ауылдарындағы жаңадан салынған медициналық пункттер салтанатты түрде ашылып, ауыл тұрғындарын қуанышқа бөледі, - деп хабарлайды Күршім ауданы әкімдігі.