Жылыту кезеңі басталғаннан бері 120 өрт тіркелді - ШҚО
ШҚО құтқарушылары облыстағы өрт оқиғасына алаңдаулы.
Жылыту кезеңі басталғаннан бері аймақта 121 өрт оқиғасы тіркелген. Соның салдарынан 9 адам қаза тапқан, деп хабарлайды Altaynews.kz тілшісі.
ТЖД мамандары жылыту кезеңі басталғалы өңірдегі 121 мыңға жуық үйді аралап, тұрғындарға пешті жылыту мен электр құралдарын пайдалану кезіндегі қауіпсіздік ережелерін түсіндірген. Ал ағымдағы жылы тіркелген тілсіз жаудың салдарынан 9 адам қаза тапты. Оның 8 оқиғасы тұрғындардың отпен жұмыс істеу талабын сақтамағаны салдарынан болса, біреуі электр жабдықтарын пайдалану кезіндегі қауіпсіздік ережесін сақтамау салдарынан болған.
- Облыста тұрғын үй секторына рейд жүргізу кезінде уақтылы тазаланбаған түтін мұржалары, пештер мен электр сымдарының жағдайы, қолдан жасалған электр аспаптарын пайдалану сияқты, барлығы 22987 бұзушылық анықталды. Азаматтардан өз қауіпсіздігі мақсатында өртке және өлімге әкелуі мүмкін бұзушылықтарды уақтылы жоюды сұраймыз. Тұрғын үйлердегі өрт қауіпсіздігі үшін үй иелері жауап береді. Жарқылдап тұрған розетканы уақытында жөндеп, ашық отты қолданғанда абай болған жөн, - деп түсіндірді ШҚО ТЖД Мемлекеттік өрт бақылау басқармасының бастығы Нұржан Өміржанов.
Оқи отырыңыз
