Синоптиктер ШҚО-да ауа райына байланысты дауылды ескерту жариялады.

Ертең облыстың басым бөлігінде бұрқасын жел мен көктайғақ күтіледі, деп хабарлайды Altaynews.kz тілшісі.

Облыстың батысында, оңтүстігінде, шығысында екпіні секундына 15-20 метрге жететін жел соғады.

ШҚО ТЖД құтқарушылары азаматтардан қауіпсіздік шараларын қатаң сақтауды сұрайды:

• Қарлы боран кезінде елді мекендерден тыс жерлерге шықпаған дұрыс;
• Ауа райы мен жолдардағы жағдайлар туралы ақпаратты "Дармен" мобильді қосымшасында нақтылау керек;
• Көктайғақ кезінде жаяу жүргіншілер өткелінен өткенде өте мұқият болған жөн.