Алтай қаласында ҚТҚ шығару қызметтерінің тариф мәселесі талқыланды
Фото: Алтай қаласының әкімдігі
Алтай қаласының әкімдігінде ҚТҚ жинауды ұйымдастыру мәселесі бойынша кеңес өтті, деп хабарлайды Altaynews.kz сайты.
Жиынға «Европлюс Восток» ЖШС, депутаттар, Алтай ауданы полиция бөлімі, «Аманат» партиясы, Қоғамдық кеңес мүшелері, Ақсақалдар кеңесі, жергілікті қауымдастық өкілдері, «Алтай ауданының ТКШ, ЖК, АЖ және тұрғын үй инспекциясы бөлімі» ММ, «Алтай ауданының санитарлық-эпидемиологиялық бақылау бөлімі» РММ, қала кәсіпкерлері мен БАҚ өкілдері қатысты.
Қалалық кәсіпкерлер ҚТҚ шығару қызметтеріне тарифтері мәселесін көтеріп отыр. Кездесу қорытындысы бойынша түрлі ұсыныстар айтылды.