Алтай қаласында қоғамдық көлік бағасы 80 теңгеден 120 теңгеге дейін өседі.

Қазір елдегі жанар-жағармай бағасы қымбаттағандықтан автотасымалдаушылардың жағдайы күннен күнге қиындап бара жатқан көрінеді, деп хабарлайды Altaynews тілшісі.

Бұл туралы Алтай ауданының әлеуметтік-экономикалық даму мәселелері жөніндегі кеңес барысында белгілі болды.

Айта кету керек, соңғы 5 жылда Алтай және Серебрянск қалаларында жол жүру ақысы өзгермеген. Десе де, бүгінгі күні жергілікті автотасымалдаушылар үлкен шығынға ұшыраған. Жанар-жағармай бағасының қамбаттауы жағдайда ушықтырып отырған көрінеді. Бұлай жалғаса берсе, автобустар желіге шықпай қалуы да мүмкін.

Қазір жол жүру ақысы 80 теңге, тасымалдаушылардың жағдайын қалыпқа келтіру үшін бағаны 120 теңгеге дейін өсіру керек.

Ал Серебрянск қаласында жол жүру құнын арттыру мәселесі әзірге нақты шешілген жоқ.