Зайсандықтар Марқакөлге көмекке шөп жіберді
Биыл Марқакөл ауданында қалың қар жауып, мал баққан жұрт біраз әбігерге түсті. Әсіресе қалың қардың кесірінен жылқы малы тебіндей алмай қалып, жем-шөптің қажет болған еді.
Бұған дейін Марқакөл ауданына облыс орталығынан жем-шөп жеткізілген. Күні кеше зайсандықтар тағы да 80 орам шөп жіберді, деп хабарлайды Altainews.kz тілшісі.
Зайсан ауданының қайырымды жандары бұған дейін де көмекке шөп берген болатын.
– Бүгін Қарабұлақ ауылының тұрғындары Марқакөл ауданына көмек ретінде екі камазбен 80 орам шөп тиеп жіберді, – деп жазды Зайсан ауданы әкімдігі facebook парақшасында.
Айта кетейік, Марқакөл ауданының кейбір малшылары жылқыларын қыс ортасында ойдағы ауылдарға қарай түсірді.
Оқи отырыңыз
