ШҚО-да 13 наурызға дауылды ескерту жарияланды.

«Қазгидромет» ШҚ филиалының ақпараты бойынша, ертең облыста күн райы бұзылады, деп хабарлайды Altainews.kz тілшісі.

Облыс аумағында жауын-шашын болады: жаңбыр мен қар жауады. Әсіресе, аймақтың шығысында қалың қар жауып қалуы мүмкін. Сондай-ақ шығысында және оңтүстігінде тұман түсіп көктайғақ болады.

Жел оңтүстік-батыстан, батыстан соғады, облыстың солтүстігінде, оңтүстік-шығысында екпіні 15-20 м/с дейін жетеді.

13-14 наурыз күндері қардың қарқынды еруі жалғасады. Сондықтан тұрғындарға арықтар мен бұлақтардың арналарын  тазалап, қап, топырақ, құм, саз секілді материалдарды әзірлеп қойған абзал.