Шығыс Қазақстанда дауылды ескерту жарияланды.

ШҚО аумағында 29 шілдеде жаңбыр мен бұршақ жауып, дауыл соғады, деп хабарлайды Altaynews тілшісі.

«Қазгидромет» ШҚ филиалының ақпараты бойынша, ертең облыстың солтүстігінде, шығысында, оңтүстігінде найзағай болып, қатты жаңбыр мен бұршақ жауады. Сондай-ақ облыста дауыл соғады деп болжануда. Жел батыстан, солтүстік-батыстан соғады, найзағай кезінде екпіні 15-20 м/с дейін жетеді.

Облыс аумағында және Өскемен қаласында төтенше өрт қаупі әлі де сақталады.