22-25 наурыз аралығында облыста су тасқыны қаупі жоғары, деп хабарлайды Altainews.kz тілшісі.

«Қазгидромет» ШҚО филиалының ақпараты бойынша, 22-23 наурызда облыста  жаңбыр, қар жаууы мүмкін. Сондай -ақ күн жылына түседі.

Осыған байланысты өңірде  22-25 наурыз аралығында қардың қарқынды еруі салдарынан өзендерде су деңгейі көтерілуі мүмкін. Автожолдарды, елді мекендерді және ауланы еріген қар суы басу қаупі бар.

Осындай метеожағдайларда ШҚО ТЖД халыққа тасқынның алдын алу шараларын жасауды ескертеді.