Глубокое, Шемонаиха және Алтай аудандарында су басу қаупі жоғары
pixabay.com
Алдағы демалыстарда облыстың солтүстік және солтүстік-шығыс аудандарында жаңбыр жауады.
Оның үстіне облыста күн жылына түспек, деп хабарлайды Altainews.kz тілшісі.
"Казгидромет" ШҚОФ ақпаратынша, 9-10 наурызда Шығыс Қазақстан облысының солтүстік және солтүстік-шығыс аудандарында (Глубокое, Шемонаиха және Алтай аудандары) жаңбыр жауып, сыртқы ауа температурасы көтеріледі.
- Осыған байланысты қардың қарқынды еруі күтілуде. Қардың едәуір мөлшерін және қар жамылғысында да, топырақта да мұз қабығының болуын ескере отырып, еріген суды топыраққа сіңіру қиынға соғады, нәтижесінде жер үсті су ағыны пайда болады және су басуы мүмкін, - деп мәлімдеді ШҚО ТЖД.
Осы орайда ШҚО ТЖД су деңгейі шекті деңгейден асқан кезде өзен ағысының төмен бөлігінде сондай-ақ өзеннің жайылмалы учаскелерінде орналасқан елді мекендерді, шаруашылық құрылыстары мен жергілікті маңызы бар жолдарды су басу қаупі сақталатынын ескертті.
Оқи отырыңыз
