Мұз үстімен мал айдап өтпек болған: ШҚО тұрғынының денесі табылды
фото: depositphotos.com
Естеріңізге салайық, кеше Катонқарағайдағы Жамбыл ауылдық округінің полиция бөліміне Бұқтырма өзенімен мал айдап өтпек болған салт атты адамның жоғалып кеткені туралы хабар түсті.
Ат өлі табылғаннан кейін полиция мен жергілікті атқарушы органдар бар күшті іздеу жұмыстарына жұмылдырған. Бүгін облыстық полиция департаменті тұрғынның денесі табылғанын хабарлады.
«Мәйітте жарақат белгілері болмады. Бұл факті бойынша сотқа дейінгі тергеу жүргізіліп жатыр. Сараптамалар тағайындалды», - деп мәлімдеді ШҚО ПД баспасөз қызметі.
Айта кетейік, дәл қазір өңірде тасқын қаупі күшейіп тұр. Мамандардың күн райына қатысты жасаған ескертуі әлі де күшінде.
«Кез-келген абайсыз әрекет адам өміріне қауіп төндіреді. Барлық сақтық шараларын қатаң сақтауды сұраймыз, - деп ескертті төтенше жағдай қызметінің өкілдері.
Оқи отырыңыз
