Зайсан ауданындағы мектептерде енді жоғары жылдамдықты интернет болады
pixabay.com
Биыл аудандағы 16 мектепке «Starlink» спутниктік интернет желісі орнатылады, деп хабарлайды Altainews.kz тілшісі аудан әкімдігі ақпаратына сүйеніп.
Биыл мемлекет басшысының тапсырмасына сәйкес, республиканың шалғай елді мекендеріндегі білім беру нысандары жоғары жылдамдықты интернетке қосылуда.
– Осы аптада Қуаныш ауылының мектебіне «Starlink» спутниктік интернет құрылғысы қосылды. Бұған дейін Жаңатұрмыс, Әуезов, Дауленов, Маметова, Октябрь, Саржыра, Жамбыл, Мұжықсу, Көгедай және Биқадамов мектептеріне «Starlink» интернет желісі орнатылған болатын, – деп хабарлады Зайсан ауданы әкімдігіндегілер.
«Starlink» – жылдамдық пен сапа тұрғысынан қазіргі кездегі озық желілердің бірі. Ресми деректерге сүйенсек, оның жылдамдығы 120 мбит/с, тіпті одан да жоғары болуы мүмкін. Сондай-ақ, спутниктік құрылғыны іске қосу көп уақыт алмайды.
– Бұл интернет желісінің мектеп жұмысына, оқушылар мен мұғалімдерген үлкен мүмкіндік береді. Әр кабинет, әр пән мұғаліміне жоғары жылдамдықты интернет қолжетімді болады деген сенімдеміз, – деді Қуаныш ауылындағы А. Орманбетов атындағы шыған жинақты негізгі орта мектебінің директоры Рустам Калиякпаров.
Бұл бастама ауыл мектептеріндегі білім беру сапасын арттыруға және оқушылардың заманауи ақпараттық технологияларға қолжетімділігін қамтамасыз етуге бағытталған.
Оқи отырыңыз
