Үлкен Нарын ауданындағы Сенное ауылының мектебіне «Starlink» спутниктік интернет желісі орнатылып, іске қосылды, деп хабарлайды Altainews.kz тілшісі ШҚО әкімдігінің баспасөз қызметіне сілтеме жасап.

ШҚО Цифрландыру және мұрағаттар басқармасы мәлімдегендей, биыл аймақтың 170 мектебіне аталмыш желіні орнату жоспарланған. Дегенмен, ол мектептерге кейін толыққанды ғаламтор желісі тартылатын болады.

«Starlink» – қазіргі кезде сапасы жағынан озық желілердің бірі. Оның жылдамдығы 120 мбит/с, тіпті одан да жоғары болуы мүмкін. Сондай-ақ оны іске қосу да жылдам.