Энергетика министрінің 2024 жылғы 26 маусымдағы бұйрықтарымен газ толтыру станциялары үшін сұйытылған мұнай газын бөлшек саудада өткізудің шекті бағасына өзгерістер енгізілді, сондай-ақ сұйытылған газды көтерме саудада өткізудің ішкі нарықтағы шекті бағасы бекітілді, деп хабарлайды Altainews.kz тілшісі.

2024 жылғы 1 шілдеден бастап сұйытылған мұнай газының тоннасына көтерме сауданың шекті бағасы 45 158 теңгені (бұрын – 40 320 теңге) құрайды.

2024 жылғы 1 шілдеден бастап сұйытылған мұнай газын көтерме саудада өткізудің шекті бағасының өсуіне байланысты автомобиль газының құны:

Астана – литрі 84 теңге (бұрын 76 теңге);

Алматы – 89 теңге (81 теңге болды);

Шымкент – 70 теңге (64 теңге болды);

Ақтөбе облысы – 59 теңге (54 теңге болды);

Атырау облысы – 59 теңге (54 теңге болды);

Ақмола облысы – 84 теңге (76 теңге болды);

Алматы облысы – 89 теңге (81 теңге болды);

Шығыс Қазақстан облысы – 84 теңге (76 теңге болды);

Жамбыл облысы – 78 теңге (71 теңге болды);

Батыс Қазақстан облысы – 70 теңге (64 теңге болды);

Қостанай облысы – 84 теңге (76 теңге болды);

Қызылорда облысы – 70 теңге (64 теңге болды);

Қарағанды облысы – 84 теңге (76 теңге болды);

Маңғыстау облысы – 59 теңге (54 теңге болды);

Павлодар облысы – 81 теңге (74 теңге болды);

Солтүстік Қазақстан облысы – 89 теңге (81 теңге болды);

Түркістан облысы – 70 теңге (64 теңге болды);

Абай ауданы – 84 теңге (76 теңге болды);

Жетісу облысы – 84 теңге (76 теңге болды);

Ұлытау облысы – 84 теңге (бұрын 76 теңге).

Бұйрықтар 2024 жылғы 1 шілдеден бастап қолданысқа енгізілді.

Бұған дейін Энергетика министрлігі сұйытылған газды өндірудің рентабельсіздігіне байланысты оның бағасын көтеруді жоспарлап отырғанын хабарлаған, сондай-ақ өсудің басқа да бірқатар себептерін атаған.

Мәселен, ішкі нарықта сұйытылған мұнай газын тұтыну 2022 жылмен салыстырғанда 400 мың тоннаға немесе 28 пайызға артып, сала шығынға ұшыраған.