ШҚО-да балабақша кезегін қысқарту үшін жыл соңына дейін 1500-ден астам жаңа орын ашу жоспарланған, деп хабарлайды Altainews.kz тілшісі.

Білім басқармасы жаңа оқу жылына дайындық бойынша жүйелі жұмыстар атқаруда.

Облыстың мектепке дейінгі тәрбие жүйесінде 206 балабақша, 180 шағын орталық жұмыс істейді. Онда 3 пен 6 жастағы балаларды қамту 100 пайызды, 2 жастан 6 жасқа дейінгі балаларды қамту 98,7 пайызды құрайды.

Жыл басынан бері 380 жаңа орын ашылды. Оның ішінде Өскеменде 240 орындық балабақша, жұмыс істеп тұрған балабақшаларда қосымша 140 орын ашылды.

Кезекті қысқарту үшін осы жылдың соңына дейін тағы 1593 орын ашу жоспарланған.