4 қыркүйекте азаматтарды күзгі мерзімді әскери қызметке шақыру басталады. Шығыс Қазақстаннан мыңнан астам бозбала әскерге аттанады, деп хабарлайды Altainews.kz тілшісі.

Жыл сайын әскерге шақырылушылар саны артып келеді. Осы жылдың 30 желтоқсанына дейін Қарулы күштер қатарын 18 жастан 27 жасқа дейінгі мерзімді қызметтегі 20 мыңнан астам сарбаз толықтырады. Бұл туралы Өңірлік коммуникациялыр қызметі алаңында өткен баспасөз мәслихатында Өскемен қаласы қорғаныс істері басқармасы бастығының орынбасары, жұмылдыру бөлімінің бастығы Олег Недорубка айтты.

Бүгінде әскерге шақыру қағазын тұрғылықты жер немесе жұмыс орны бойынша да, 1414 қызметінен SMS арқылы да алуға болады. Шақыруды кейінге қалдыру немесе босату электрондық үкімет порталы арқылы беріледі. Осы мемлекеттік қызметті алу тәртібі туралы ақпарат egov.kz сайтында бар.