Катонқарағай ауылының дизайн-коды әзірленіп жатыр
Биылдан бастап Катонқарағай ауданы орталығының өз дизайн-коды әзірленіп жатыр, деп хабарлайды Altainews.kz сайты.
Катонқарағай ауылының өзіне тән архитектуралық келбеті болуға тиіс. Сыртқы жарнама мен басқа да ақпараттар, мекемелер мен ұйымдардың қасбеттері бірегейлігімен ерекшеленіп, өлке тарихы мен мәдениетінен сыр шертіп тұруы керек.
Осы мақсатта жазда ауданға алматылық «7/2/7 Бюросының» мамандары келіп, зерттеу жүргізген. Аталмыш ұйым өкілдері Жандос Жұмабай мен Владимир Данилов ауданға тағы келіп, Катонқарағай ауылының бірегей сәулеттік келбетін әзірлеудің екінші кезеңі бойынша жұмыс атқаруда. Олар тағы да тұрғындармен жүздесіп, сауалнама алмақ.
Мамандар ендігі кезекте аудан орталығының дизайн-кодын толық аяқтап, халыққа ұсынады.
Тимур Серікхан