Қайта құрылған Катонқарағай ауданы қазір дамудың жаңа кезеңіне аяқ басты. Аудан әкімдігі ендігі кезекте ауданның жеке дизайн-кодын әзірлеп, әкімшілік ғимараттарды қайта жаңартпақ.

Катонқарағай ауданындағы тұмса табиғаттың бірегейлігі, жергілікті тарих пен мәдениеттің өзіндік ерекшелігі жаңа дизайн-кодқа арқау болмақ,  деп хабарлайды Altainews.kz тілшісі.

– Дизайн-код сондағы тұмса табиғаттың бірегейлігін, жергілікті тарих пен мәдениеттің өзіндік ерекшелігін көрсетеді. Сондай-ақ ол Катонқарағай тұрғындары мен қонақтарына жайлы әрі қауіпсіз орта қалыптастыру үшін қажет, – делінген Катонқарағай әкімдігінің әлеуметтік желідегі ресми парақшасында.

Сонымен қатар Q88 аумағын тұрақты дамыту қауымдастығының командасы мен Бұланды ауданы бойынша қор басшылығы Катонқарағай ауданының дамуына атсалыспақ.