Республика күні қарсаңында Шығыс Қазақстан облысында бірқатар мерекелік іс-шаралар өтеді. Тұрғындар мен қала қонақтары еліміздің мерекесіне орайластырылған түрлі мәдени, спорттық және көрмелік шараларға қатысуға шақырылады, деп хабарлайды Altainews.kz тілшісі.

21-27 қазан:

• Сағат 10:00-15:00 аралығында Оралхан Бөкей атындағы кітапханада (Славский көшесі, 22) қазақстандық фильмдерді көрсету апталығы өтеді.

22 қазан - 1 желтоқсан:

• Шығыс Қазақстан өнер мұражайында (Тоқтаров көшесі, 47а) сағат 09:00-17:30 аралығында көне карталардың көрмесі ашылады. Көрмеде Қазақ мемлекетінің XVI-XIX ғасырлардағы еуропалық және американдық карталардағы бейнесі көрсетіледі.

25 қазан:

• Сағат 10:00-де «Гостиный двор» сауда кешенінде «Made in Oskemen-2024» атты жергілікті тауар өндірушілердің өнімдерінің көрмесі өтеді (көрме 25-26 қазанда өтеді).
• Сағат 11:00-де «Қазақстан» тауына жаппай жүгіру шарасы — «OSKEMEN RUN» басталады.
• Сағат 11:00-де Үлбі Жағалауында мерекелік концерттік бағдарлама ұйымдастырылады.
• Сағат 14:00-де «Восток» стадионында футболдан Қазақстан Республикасының біріншілігі өтеді.

Шығыс Қазақстан облыстық филармониясының шығармашылық ұжымдары мен солистері 25 қазан күні төрт түрлі алаңда мерекелік концерттер қояды:

• Сағат 12:00-де — «АДК River» кешенінің 1-қабатында;
• Сағат 14:00-де — «Император» сауда үйінде;
• Сағат 16:00-де — Арбат алаңында;
• Сағат 18:00-де — Комендантта.

26 қазан:

• Сағат 15:00-де Шығыс Қазақстан облыстық филармониясының көрермендер залында Н.Тілендиев атындағы «Отырар сазы» академиялық фольклорлық-этнографиялық оркестрінің концерті өтеді (Протозанов көшесі, 43).

Барлық шаралар Республика күнін мерекелеуге арналған және халық арасында Отанға деген сүйіспеншілікті арттыруға бағытталған.