Қазақстанда жүргізуші куәлігіне теориялық емтихан тапсыру процесі өзгерді. Енді үміткерлер емтихан тапсыру алдында жеке басын екі факторлы аутентификация арқылы растайды. Бұл жаңалықты 2024 жылғы 6 қарашада "Азаматтарға арналған үкімет" мемлекеттік корпорациясы жариялады.

Жаңа ережелерге сәйкес, үміткерлер теориялық емтиханға тек жеке басын растау рәсімінен өткеннен кейін ғана кіре алады. Растау екі жолмен жүзеге асады:

SMS хабарлама арқылы;
Биометриялық жүйе арқылы.
Емтихан басталар алдында үміткердің электрондық үкімет порталындағы жеке кабинетіне тіркелген телефон нөміріне 1414 нөмірінен SMS-хабарлама жіберіледі. Бұл хабарлама арқылы үміткерден дербес деректерге қол жеткізу рұқсаты сұралады.

Жаңа екі факторлы аутентификация жүйесі емтихан тапсыру процесінің қауіпсіздігін арттыруға және дербес деректерді қорғауға бағытталған.