ШҚО Білім басқармасының ақпараты бойынша, 17 желтоқсанда ауа температурасының -26-31 грдасуқа дейін күрт төмсендеуіне байланысты Алтай, Глубокое аудандарындағы және Риддер қаласындағы кейбір мектептердің бастауыш сынып оқушылары қашықтан оқытуға ауыстырылды, деп хабарлайды  Altainews.kz тілшісі. 

Ауа температурасының -28-тен -31 градусқа дейін төмендеуіне байланысты Алтай ауданындағы мына мектептердің 1-ші және 2-ші ауысымдағы 0-4 сыныптары қашықтан оқытуға ауыстырылды: «Тұрғысын орта мектебі» КММ, «Чапаев орта мектебі» КММ, «Леснопристань орта мектебі» КММ, «Путинцево орта мектебі» КММ, «Соловьев орта мектебі» КММ, «Михаил Бикетов атындағы орта мектебі» КММ, «Маяк орта мектебі» КММ, «Новокрестьянка бастауыш мектебі» КММ, «Крестовка бастауыш мектебі» КММ, «Михаил Харин атындағы бастауыш мектебі» КММ, «Зубовск орта мектебі» КММ және Алтай қаласының мектептері.

Сондай-ақ ауа температурасының -26 градусқа төмендеуіне және 2 м/с астам желге байланысты Риддер қаласында 1 ауысымның 0-4 сыныптары қашықтан оқыту форматына ауыстырылды.

Глубокое ауданында ауа температурасының -28-ден -30°C-қа дейін төмендеуіне байланысты келесі мектептердің бірінші ауысымдағы 1-4 сынып оқушылары қашықтан оқыту форматына көшті: «Ы. Алтынсарин атындағы орта мектебі» КММ, «Белоусовка негізгі мектебі» КММ, «Белоусовка бастауыш мектеп-балабақша кешені» КММ, «Оралхан Бөкей атындағы қазақ орта мектебі» КММ, «А. Байтұрсынов атындағы орта мектебі» КММ, «Малоубинка орта мектебі» КММ,  «№1 Предгорное орта мектебі» КММ, «Прогресс орта мектебі» КММ, «Черемшанка орта мектебі» КММ.

Ержан Әбіш