2025 жылға қарай елімізде 23 жаңа балаларды сауықтыру орталығы ашылмақ
pexels.com
Қазақстанда балаларды сауықтыру және шығармашылық дамыту орталықтары көбейтіледі. Мемлекет басшысының тапсырмасына сәйкес, 2027 жылға дейін балалардың шығармашылық және зияткерлік әлеуетін дамыту мақсатында 50 сауықтыру орталығы мен 100 қосымша білім беру нысанының құрылысы жүзеге асырылады,- деп хабарлайды Altainews.kz тілшісі ҚР Оқу-ағарту министрлігіне сілтеме жасап.
2025 жылы өңірлерде 23 балаларды сауықтыру орталығы мен қосымша білім беру үшін 22 заманауи нысан салу жоспарланып отыр.
Өмірлік қиын жағдайға тап болған балаларға ерекше көңіл бөлінуде. Алғаш рет девиантты мінез-құлқы бар 10 мың балаға үйірмелер мен секцияларға тіркелу мүмкіндігі басымдық тәртібімен проактивті түрде ұсынылды,- делінген хабарламада.
Жаңа нысандардың құрылысы кезең-кезеңімен жүзеге асып, өнер мен шығармашылық саласында білім алудың қолжетімділігі мен сапасын арттыруға бағытталады. Бұл бастама балалардың жан-жақты дамуына ықпал етіп, олардың шығармашылық және интеллектуалдық әлеуетін нығайтуға мүмкіндік береді.
