14 қаңтар күні ауа температурасының -33 градусқа дейін төмендеуіне байланысты Алтай қаласының бірнеше мектебінде 1 және 2 ауысымдағы 0-9 сынып оқушылары қашықтан оқуға көшірілді,- деп хабарлайды Altainews.kz тілшісі.
Күршім ауданында (ауа температурасы -24-тен -30 градусқа дейін) ауданның бірнеше мектебінің 0-4 сынып оқушылары қашықтан оқиды.
Үлкен Нарын ауданында ауа температурасының -28-ден -30 градусқа дейін төмендеуіне байланысты 0-4 сынып оқушыларының 1-ауысым сабақтары қашықтан оқыту форматына ауыстырылды.
Катонқарағай ауданындағы мектептердің 0-4 сынып оқушылары үшін 1-ауысым сабақтары (-28-ден -31 градусқа дейін) қашықтан оқытуға көшірілді.
Шемонаиха ауданында ауа райының қолайсыздығына байланысты (ауа температурасы -30-дан -32 °C-қа дейін), кейбір мектептерде сабақтар қашықтан оқыту форматына ауыстырылды.
Глубокое ауданында да 1-ауысымдағы 1-4 сынып оқушылары (ауа температурасы -27-ден -30 градусқа дейін) аяз салдарынан қашықтан оқуға көшті.