Шығыс Қазақстан облысында қар көшкіндерінің алдын алу мақсатында профилактикалық түсіру жұмыстары белсенді түрде жүргізілуде.

Бүгін “Өскемен–Таулы Үлбі–Северное” автожолында қар көшкінін профилактикалық түсіру жұмыстары сәтті өткізілді. Нәтижесінде 3150 текше метр қар қауіпсіз түрде түсірілді.

“Қар қоры мен жауын-шашынның мөлшеріне негізделген болжамдар бойынша тиісті шаралар қабылданады. Қар көшкінінің негізгі хабаршысы – ауа райы жағдайы мен қар жамылғысының өзгерістері,” – деп мәлімдеді “Қазселденқорғау” ШҚ филиалының басшысы Советбек Станбеков.

Қар көшкіні қаупін азайту мақсатында тексеру жүргізілгеннен кейін “Қазселденқорғау” мамандары көшкінді профилактикалық түсіру қажеттігі туралы шешім қабылдайды. ШҚО Төтенше жағдайлар департаменті бұл жұмыстардың қауіпсіздігін қамтамасыз етуде.