"Қазселденқорғау" ШҚ филиалының мамандары "Өскемен-Тарғын-Самар" облыстық маңызы бар автомобиль жолының 132-137 км учаскесінде қар көшкінін алдын алу үшін жарылыс жұмыстарын жүргізді. Бұл учаскеде 8 қар көшкіні түсетін шоғыр бар, ал қардың қалыңдығы 90 см-ден 120 см-ге дейін өзгеріп тұрады.

Филиал басшысы Советбек Станбековтың айтуынша, қар көшкіні ошақтарындағы қардың мөлшері мен жинақталуы туралы ақпарат өте маңызды, себебі ол болашақта қар көшкінінің қауіпін алдын ала болжауға көмектеседі. Жарылыс жұмыстарының нәтижесінде қажетті көлемдегі қар түсірілді. ШҚО ТЖД және "Қазселденқорғау" ШҚ филиалы азаматтарға қатты қар жауып, жел соғып тұрғанда тауларға шықпауға кеңес береді. 

Айта кетейік, "Қазселденқорғау" ШҚ филиалының мамандары ауа райы жағдайын және қардың жай-күйін бақылайды, сондай-ақ көшкін қаупі бар-жоғын анықтайды.