Бұқаралық ақпарат құралдарымен өткен брифингте ШҚО ТЖД мамандары облыста өзендердің ашылуына байланысты су тасқыны кезеңінің бірінші толқынына белсенді дайындық жүріп жатқанын айтты. ТЖД-да жедел штабтың тәулік бойы кезекшілігі ұйымдастырылды, деп хабарлайды  Altainews.kz тілшісі.

Бүгінгі таңда облыста 2 қалада және 11 ауданда су тасқыны қаупі бар 72 елді мекен анықталды, онда 3685 тұрғын үй орналасқан және 9438 адам тұрады. Өткізілген су тасқынына қарсы іс-шараларды ескере отырып, 15 елді мекенде су басу қаупі жойылды, 49 елді мекенде азайтылды, 8 елді мекенде қауіп сақталуда.

Өңірде болжау элементтері бар гидропосттар бойынша бастапқы деректерді, сондай-ақ су тасқынына қарсы жүргізілетін жұмыстар бойынша ақпаратты көрсете отырып, облыстың цифрлық картасы жасалды, су тасқынына қарсы тәуекелдер картасы әзірленді.

Облыс өзендерінде мұзды профилактикалық жару жұмыстары басталды. Бүгінгі таңда 108072 ш.м. алаңда 8 су тасқыны қаупі бар учаске пысықталды.

Облыста 362 мың текше метр қар шығарылды, 4213 су өткізу құрылыстары, 411 арық пен 75 канал, 426 көпір тазаланды. Инертті материалдардың қажетті саны - 10,2 мың тонна, ЖЖМ - 301 тонна, мөшек - 82,7 мың дана дайындалды.

Жағдай қиындаған жағдайда жергілікті атқарушы органдардың, ТЖД және азаматтық қорғау қызметтерінің 2 516 адам,  943 техника, 42 жүзу құралы, 240 мотопомпадан тұратын күштері мен құралдарының топтамасы қалыптастырылды.

Су тасқыны салдарын жою және халықты эвакуациялау үшін ТЖД-да 37 жоғары өтімді техника бар.
2025 жылғы су тасқыны кезеңіне жедел ден қою үшін ТЖД 5 мобильдік тобының құрамы анықталды, олар жағдай қиындаған жағдайда тартылатын болады.

Мониторинг жүргізу және жедел ден қою үшін Алтай ауданына ТЖМ №68303 әскери бөлімінің әскери қызметшілері жіберілді.
Сыйымдылығы 21 мың адамды құрайтын 182 халықты уақытша орналастыру пункті анықталды.

Су тасқыны жағдайы нашарлаған жағдайда халықты хабардар ету 72 электросирена,19 сирень-сөйлеу құрылғысы, СМС-тарату, теле-радио хабарларын қармап алу және «Дармен» мобильдік қосымшасы арқылы жүргізілетін болады. «Қазгидромет» ШҚ филиалының деректері бойынша Риддер қаласында, Глубокое, Алтай, Катонқарағай, Шемонаиха, Самар және Үлкен Нарын аудандарында қар жамылғысында су қорының едәуір артуы байқалады. 

Топырақтың қату тереңдігінің көрсеткіштері Үлкен Нарын және Марқакөл аудандарындағы былтырғы мәндерден жоғары, қалған аудандарда топырақтың қату тереңдігі өткен жылдың мәндерімен салыстырғанда аз. Гидрологиялық жағдай әдетте тұрақты. Су деңгейі шектік белгілерден төмен. Су объектілерінде мұз құбылыстарының әлсіреуі, сондай-ақ мұздан ашылу процестері байқалады. 
Өзендердегі мұздың қалыңдығы 10 см-ден (Қайыңды өзені) 87 см-ге дейін (Ақсу өзені) аралығында.

18-20 наурыз аралығында облыс бойынша температуралық фонды одан әрі арттыру болжамына байланысты дауылды ескерту жарияланды. Қардың қарқынды еруі, мұз құбылыстарының әлсіреуі, еріген және көлбеу ағындардың пайда болуы және өзендердегі су деңгейінің көтерілуі күтілуде.