Наурыз – табиғаттың жаңаруын, жаңа жылдың басталуын білдіретін ерекше мереке. Биыл Риддер қаласында Наурыз мейрамы жоғары деңгейде аталып өтті, деп хабарлайды Altainews.kz тілшісі.

Риддер қаласында Наурыз мейрамы көктемгі жаңару, бірлік пен амандық мерекесіне арналған «Наурыз таңы» атты жарқын театрландырылған қойылыммен басталды.

Күні бойы қала тұрғындары мен қонақтары ұлттық дәстүрлерді тамашалап, спорттық жарыстарға қатысып, мерекелік көңіл-күйге бөленді.

Орталық алаңда күш пен ептілікті сынайтын спорттық жарыстар ұйымдастырылды. Қала тұрғындары ұлттық жылқы спорты турнирінде атқа мінуден, арқан тартудан, гір көтеруден, білек күшін сынайтын қол күресінен бақ сынады.

Мәдениет сарайында рапид-шахмат (жылдам шахмат) турнирі және қазақтың ұлттық ойыны – тоғызқұмалақтан жарыстар өтті.

Сондай-ақ Республика саябағы белсенді демалыс пен шығармашылық ойын-сауық орталығына айналды. Мұнда әр адам өзіне ұнайтын челлендж аймақтарын таба алды. Қонақтар ептілік, логика және дәлдік бойынша түрлі ойындарда бақ сынады: алып Tetris, шиеленісті Jenga, қызықты футбол-дартс, Connect 4 стратегиялық ойыны және көңілді Cornhole сынды ойындар ойналды.