Өскемен қаласында Наурыз мейрамына орай "Наурызнама" онкүндігінің соңғы күні – "Тазару күні" атап өтіліп, "Бұлақтың көзін ашу" атты экологиялық акция ұйымдастырылды. Бұл шара қоғамның экологиялық мәдениетін арттыруға, табиғатты қорғау идеяларын насихаттауға бағытталған.  

Бұлақ көзін ашу – көктемнің жаңаруын бейнелейтін, ата-бабалардан мирас болған игі дәстүр. Өскемен тұрғындары осы бастаманы қолдап, табиғи су көздері мен олардың маңын тазарту жұмыстарын жүргізді.  

Наурыз мейрамы ежелден табиғи тазалық пен қоршаған ортамен үйлесімділік идеясын дәріптейді. Табиғаттың жаңарып, қайта түлеу кезеңінде өткен бұл акция экологиялық жауапкершілікті арттыруға ықпал етті. Қатысушылар өз үлестерін қосу арқылы табиғатты қорғаудың маңызын тағы бір мәрте дәлелдеді.