Өскемен қаласында христиан қауымдастығының басты мейрамдарының бірі — Пасха кеңінен аталып өтті. Бұл күні Достық үйі-қоғамдық келісім орталығына жиналған қала тұрғындары мен қонақтары мерекелік хороводқа қатысып, жарқын көңіл-күймен мерекелік концертті тамашалады, деп хабарлайды Altainews.kz тілшісі.

Мерекеге арналған концерт Достық үйінің шығармашылық ұжымдары мен Глубокое ауданының өнерпаздарының қатысуымен өтті. Көрермендерге әсем әндер мен би қойылымдары ұсынылды.

Глубокое ауданының «Смородина» шығармашылық бірлестігінің өнерпаздары көне көктемгі хоровод әнін әкеліпті.

Мерекенің басты ерекшеліктерінің бірі – балаларға арналған пасхалық жұмыртқаларды бояу бойынша шеберлік сабағы болды. Бес жастан асқан балғындардан бастап, олардың ата-аналары да жұмыртқа бояудың қызығына түсіп кетті. Сабақты «Жұлдыз» балалар өнер мектебінің мұғалімі, суретші Лариса Кокушинская жүргізді. Оның айтуынша, бұл көне дәстүр терең мән-мағынаға ие:

Сонымен қатар, Пасха тақырыбына арналған балалар сурет байқауы өтті. Ал этнографиялық мұражай дайындаған көрме Пасха мерекесінің тарихы мен дәстүрлері жайлы тың мәліметтер ұсынды. Достық үйінің алаңында облыстың қолөнершілері өздерінің қолдан жасаған бұйымдарын ұсынып, мерекенің көркін аша түсті.