Шығыс Қазақстан облысының әкімі Нұрымбет Сақтағанов Қазақстан Республикасының Премьер-Министрі Олжас Бектеновтің төрағалығымен өткен Үкімет отырысына қатысты. Жиын барысында өткен жылыту маусымының қорытындылары мен алдағы күзгі-қысқы кезеңге дайындық мәселелері талқыланды, деп хабарлайды Altainews.kz тілшісі.

Өткен жылыту маусымы жалпы тұрақты өтіп, жылумен қамтуда елеулі іркілістер болған жоқ. Технологиялық ақаулар саны 10%-ға азайды. Қабылданған шаралардың нәтижесінде жылу электр станцияларын жаңғыртуға бөлінген қаржы көлемі 44%-ға, ал жылу желілерін жаңғыртуға бөлінген қаражат шамамен 30%-ға артты. Мемлекеттік қолдауды жалғастыру аясында биылғы мамыр айында Астана, Көкшетау, Қызылорда және Риддер қалаларындағы жылу көздерін жаңғыртуға резервтік қордан 25 млрд теңге бөлу туралы қаулы қабылданды.

Облыс әкімі берген ақпаратқа сәйкес, станцияны дайындау жұмыстары кестеге сай және ҚР Энергетика министрлігімен келісілген тәртіпте жүргізілуде. Қазан агрегаттары мен жылу желілерін дайындау жұмыстарын қыркүйек айының соңына дейін аяқтау жоспарланған. Жөндеу жұмыстарының сапасы мен мерзімін бақылауды жергілікті атқарушы органдар Энергетикалық қадағалау комитетінің аумақтық бөлімшесімен бірлесіп жүзеге асыруда.

ШҚО әкімінің баспасөз қызметі