Қазақстанның оңтүстік және батыс аймақтарында тамыздың алғашқы жартысында күннің ысуы күшеймек. «Қазгидромет» болжамына сәйкес, Атырау, Маңғыстау, Қызылорда және Түркістан облыстарында ауа температурасы +43…+44 градусқа дейін жетуі мүмкін, деп хабарлайды Altainews.kz тілшісі.

Атырау мен Маңғыстауда ауа күндіз +41…+44 градусқа дейін қызса, Қызылорда мен Түркістанда да +43 градусқа дейін ысу болжанып отыр. Синоптиктер мұны өте қатты ыстық деп бағалап отыр. Осыған байланысты өңірлерде төтенше өрт қаупі сақталады.

Мамандар тұрғындарға ашық күн астында ұзақ болмауға, денсаулыққа абай болуға және өрт қауіпсіздігі талаптарын қатаң сақтауға кеңес береді.