Жаңа оқу жылының басталуына бірнеше апта ғана қалды. Осыған орай Самар ауданындағы мектептер мен балабақшаларда дайындық жұмыстары белсенді түрде жүргізілуде. Білім беру нысандарында санитарлық жағдайды жақсартып, оқушылар үшін қауіпсіз әрі жайлы орта қалыптастыру мақсатында бірқатар шаруалар қолға алынған, деп хабарлайды  Altainews.kz тілшісі.

Бүгінгі күні аудан бойынша 21 білім беру мекемесінің 19-ында жөндеу жұмыстары аяқталуға жақын. Әктеу, сырлау сынды ағымдағы жөндеу шараларының көбі орындалған.

Ал бөлім басшысы Руслана Закирьянова қазіргі дайындық жұмыстары бекітілген жоспарға сай, уақытында атқарылып жатқанын атап өтті. Оның айтуынша, 31 шілдедегі мәліметке сәйкес, аудан мектептерінің жаңа оқу жылына дайындығы 90 пайызға жеткен.

Мұғалімдер мен ата-аналар үшін де бұл маңызды кезең. Жаңа оқу жылын таза, жылы әрі қауіпсіз мектепте қарсы алу – басты мақсат.