Өскемен қаласында ерекше білім беруді қажет ететін балаларға арналған алғашқы мектеп өз жұмысын бастады. Жаңа білім ошағының ашылу салтанатына кәсіпкерлер, жергілікті атқарушы органдар өкілдері және оқушылардың ата-аналары қатысты, деп хабарлайды Altainews.kz тілшісі.

«Бастау» мектебі бүгінде 85 оқушыны қабылдап отыр. Балалардың басым бөлігінде аутизм, эмоционалды даму ерекшеліктері мен сал ауруы (ДЦП) бар. 

Мектепте толық күндік оқу жүйесі қарастырылған. Балалар таңғы сағат 8.00-ден кешкі 17.00-ге дейін мектеп қабырғасында болады. Күн бойы олар үшін психологтар, дефектологтар, логопедтер және емдік дене шынықтыру мамандарының қатысуымен түзету және дамыту сабақтары жүргізіледі. Бұл ата-аналарға еңбек етуге мүмкіндік беріп, отбасының әлеуметтік және қаржылық тұрақтылығын қамтамасыз етеді.

Бұдан бөлек, «балалық шақтан мүгедектік» статусы бар балаларға арнайы әлеуметтік қызмет көрсету мүмкіндігі де қарастырылған. Бұл бағытта тәжірибелі коррекциялық педагогтар қызмет атқарады.

Фото: Махаббат Ахметжанова

Видео: Евгений Щетников