Редакциямызға келіп түскен видеодан жедел жәрдем қызметіндегілердің  шыдамдылығын көріп тәнті болмасқа шараң жоқ.  

103 «түнделетіп» жүретін жұмыстардың  ең қиыны шығар. Полицейлер тіпті көнбесе күшке салып жіберетін күштік құрылым емес пе. Ал  анау аузына ақ ит кіріп көк ит шығып жатқан шала мас науқасқа дәрігер не айта алады? Не айтса да көнуіне тура келеді.

«Еріккен, ішімдікке бөккен адамдармен алысып жүргенде шынымен өлім мен өмір арасында жатқандарға жете алмай қаламыз. Небір тәрбиесіз адамдардың аузынан балағат  сөздер естиміз, мұндайда бізді қорғайтын Заң да жоқ.»,-дейді жедел жәрдем қызметкерлері.

Бұл  - түн баласы қызметте жүрген ақ халаттылардың күнделікті көріп, естіп жүрген  дүниесі.