Қарақат Әбілдина: Асфальтта өскен келінді қаламаймын
Отандық әнші Қарақат Әбілдина өзінің қандай ене болатынын айтып берді.
Жұлдызды жұп Қыдырәлі Болман мен Қарақат Әбілдина «Ұйқым келмейді» түнгі шоу-бағдарламасының қонағы болып, отбасылық ұстанымдары туралы әңгімеледі, деп хабарлайды Altaynews.kz сайты.
Әншілердің айтуынша, олар келін түсіруге, құда болуға дайын.
- Мен өте жақсы ене болатынымды білемін. Бірақ асфальтта өскен, ана тілін білмейтін, дәстүрінен мақұрым келінді қаламас едім. Қазақы, таным-түсінігі, тәрбиесі, көргені бар, көзі тоқ келінді Алладан тілеймін. Ең бастысы, қазақтың ұлттық тәрбиесін көріп өскен келін болғаны дұрыс. Ұлым Бекболат қалада туып-өскенмен, оның тәрбиесінде қазақтың иісі бұрқырап тұр. Ол ұлттық құндылықтарды жақсы түсінеді. Оған өз деңгейіндегі қазақылық қасиеті бар қыз бұйырса, жаман болмайды, - деп бөлісті Қарақат Әбілдина.
Оқи отырыңыз
