Азат Перуашев Қазақстанды "Қазақ Республикасы" деп атауды ұсынды
Мәжіліс депутаты Азат Перуашев Қазақстанды қайта атау туралы ұсыныс жасады, деп хабарлайды Алтайньюс тілшісі.
Депутаттық сауал еліміздің премьер-министріне жолданды. Перуашев 2020 жылы КСРО құрамындағы Қазақ Республикасының құрылғанына 100 жыл толатынын еске сала отырып, осы күнді лайықты атап өтуге шақырды.
– (...) Қазақстан атауын пайдалана отырып, елімізге ресми атауын – «Қазақ Республикасын» қайтару туралы мәселені қарастыруды ұсынамыз. Мұндай бастаманы Нұрсұлтан Назарбаев осыдан бес жыл бұрын ұсынған бо латын. Елбасының ұсыныстарын іс жүзінде жүзеге асыратын уақыт келді деп есептейміз. Ақты – ақ, қараны – қара, қазақты – қазақ деп атау керек. Республикаға тоталитарлық биліктің өзі мойындаған «қазақ» атының оралуы тарихи әділдікті қалпына келтіріп қана қоймай, барлық отандастарымыздың бірлігі мен достығына үлкен серпін береді, – деп түйіндеді Азат Перуашев.
Депутат «Қазақ Республикасы» атауын қалыптасқан «Қазақстан» атауымен бірге пайдалану керектігін атап өтті.