Қазақстандықтар Отбасы күнін атап өтуде
Қыркүйектің екінші жексенбісінде Қазақстанда Отбасы күні тойланады.
Мереке 2013 жылы бекітілген, деп хабарлайды Altainews.kz тілшісі.
Мерекенің негізгі идеясы - ұлттық және отбасылық құндылықтарды дәріптеу, отбасы мен неке ұғымдарына сүйіспеншілік тудыру.
Биыл мерекенің жаңа тұжырымдамасы бекітілді.
ҚР Мәдениет және ақпарат министрлігінің баспасөз қызметі ақпаратына сүйенсек,2-8 қыркүйек аралығында Отбасы күніне арналған апталық өтті. Аптаның әр күні отбасылық дәстүрлер, некені жоспарлау, ұрпақ саулығы, саналы ата-ана болу, отбасылық демалыс және басқа да тақырыптарға арналды.
- Республика бойынша барлығы 1000-нан астам іс-шара өткізіліп, 1 миллион адам қамтылды, - делінген ақпаратта. - Бүгін қазақстандықтар «Отбасым – менің байлығым» акциясын бастады. Әлеуметтік желіде отбасыңыздың суретін жариялау арқылы акцияға қосылуға шақырамыз.
Оқи отырыңыз
