ҚР Туризм және спорт министрлігі 7 қыркүйек күнгі жарыс күнін қорытындылады.

Қазіргі таңда Қазақстан спортшылары тоғыз жүлдені қанжығаға салды, деп хабарлайды Altainews.kz  тілшісі.

Пара дзюдо: Жұрқамырза Шүкірбеков J2 санатында 90 келі салмақта сынға түсіп, қола медаль жеңіп алды. Үшінші орын үшін өткен белдесуде ол Франция өкілі Насер Зорганиді иппонмен тізе бүктірді.

Әйелдер арасында +70 кг салмақ дәрежесінде J2 санатында белдескен Зарина Раифова қола жүлдеге қол жеткізді. Үшінші орын үшін өткен кездесуде Раифова италиялық Каролина Костадан басым түсті.