Бүгінде өңірде кәсіптің түр-түрін меңгеріп, ел игілігіне еңбек етіп жатқан шағын кәсіпкерлердің қатары артып келеді. Жалпы Жарма ауданы бойынша 2020 жылы жаңа бизнес-идеяларды іске асыру үшін 200 АЕК-ке (555 600 теңге) 52 адамға 28 891,2 мың теңге мөлшерінде республикалық бюджеттен гранттар бөлінген.

ШҚО «Атамекен» кәсіпкерлер палатасының Жарма аудандық филиалының директоры Дастан Мұқаевтың айтуынша «Ауыл шаруашылығын қаржылай қолдау қоры» АҚ арқылы өткен жылы өңірде аудан бойынша 41 адам 128 млн. теңге несие алған. Олардың қатарында мемлекеттік грантқа жүгінген жалпы саны 111 аудан тұрғынының жұмыссыздар - 13 адам, мүгедектер - 2, көп балалы аналар - 16 адам (оның ішінде АӘК алушылар - 8), қоныс аударушы - 1 адам, АӘК алушылар – 8 адам, өзін-өзі жұмыспен қамтығандар - 10 адам, еңбек өтілі бойынша зейнеткер – 2 адам бар екені айтылуда.   Қалбатау ауылындағы сол бір қызықты жобаларды іске асырып мемлекет грант иегері атанған кәсіпкерлердің бірі Какенова Зухра суши мен ролл және пицца дайындаумен айналысуды қолған алған.

Бүгінде нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» бағдарламасы аясында мемлекет тарапынан кәсібін дамытқысы келетін аудан тұрғындарының бірі ретінде кәсіпкер мол мүмкіндікті пайдалана отырып, ұтып алған грантына қосымша қаржысымен қазіргі уақытта аудан тұрғындарына жапон үлгісінде әсем безендірілген «Тануки» атты суши кафесінің есегін айқара ашты. Аудан орталығында бұл кафеде кәсіпкер 5 адамды жұмыспен қамтып отыр. Дәмхананың ас мәзірінде сушидің 15-ке жуық түрін, ролл және пицца әзірлеп, ұсынуда. Алдағы уақытта аудан халқы үшін жанға жайлы демалыс орнына айналдыруды мақсат еткен кәсіпкер Зухра Какенова тағамның сан түрімен қатар, ғимараттың ішкі көрінісін жапон үлгісімен әрлеп, дәмханаға келушілерге әсемдік пен әдемілікті үйлестіре білген.

Суши-дәмхананың салтанатты түрде ашылуына арнайы келген ауылдастары жас кәсіпкерге табыс тілеп, жаңа үлгідегі әсем дәмхана жастардың жақсы демалыс орны болатынына мол сенім білдірді.