Енді бағдаршамның сары белгісіне өткен жүргізушілерге айыппұл салынады
Фото: iStock
Елімізде енді бағдаршамның сары белгісі жанып тұрған кезде жолда жүруге тыйым салынады, деп хабарлайды Altainews.kz сайты qamshy.kz сайтына сілтеме жасап.
Сергек камералары бағдаршамның сары белгісінде жүрген көліктерді анықтап, жүргізушілерге айыппұл салады. Өйткені жол апаттарының көбі сары белгі жанғанда болады.
Әзірге тыйым – Астана мен Алматы қаласында болады.
Еліміздің үшінші мегаполисі Шымкентте әзірге мұндай тәртіп жоқ. Бірақ полицейлер сәуір-мамыр айларында шымкенттік жүргізушілерге де осы үшін айыппұл салынатынын айтты.
Айыппұл мөлшеріне келсек, бағдаршамның сары түсінен өткендерге 36 920 теңге айыппұл салынады. Ал 1 жыл ішінде осы заңбұзушылықты қайталаса, айыппұл сомасы үш есе өсіп, 110 760 мың теңге төлейді.